Drejtuesit e Barcelonës janë gati të bëjnë një goditje të madhe gjatë kësaj vere
Ylli i ri i Borussia Dortmundit, Ousmane Dembele mund t’i bashkohet Barcelonës gjatë afatit kalimtar të verës.
Sipas të përditshmes sportive madrilene, AS, reprezentuesi i Francës i është ofruar gjigantit katalan, përcjell Gazeta Express.
Borussia Dortmund kërkon 40 milionë euro për shitjen e talentit 19 veçar, i cili ka qenë objektiv i Barcelonës edhe në verën e vitit të kaluar.
Gjatë verës së kaluar, Dembele nga ekipi francez, Rennes u transferua te Borussia Dortmund për 15 milionë euro.
Dembele ka kontratë me ekipin nga Bundesliga deri në verën e viti 2021. /Express/
