Zanetti zbulon nëse Mourinho do të kthehet në Inter

PUBLIKUAR

Zëvendëspresidenti i Interit, Javier Zanetti, ka thënë se thashethemet për kthimin e Jose Mourinhos në stolin zikaltër janë mungesë respekti ndaj trajnerit aktual Luciano Spallettit.

Zanetti ishte në Londër të shtunën për një ndeshje bamirësie në stadiumin e ri të Tottenhamit, ku Inter Forever i mposhti Spurs Legends 5:4, transmeton Gazeta Express.

Prezent ishte edhe fituesi i tripletës me Interit, Mourinho, i cili mezi pret t’i rikthehet punës së trajnerit nga sezoni e ardhshëm, pasi u shkarkua në dhjetor nga Manchester Unitedi.

“Ne gjithmonë e shohim Mourinhon me dashuri të madhe, sepse kemi përjetuar momente të paharrueshme me të”, tha Zanetti për Sky Sport Italia.

“Ai erdhi për të na përshendetur dhe ishim të kënaqur. Dua të nënvizoj se ai nuk ishte trajner i Inter Forever, sepse ai ishte Francesco Toldo, pra Mourinho ishte thjesht vizitor”, shtoi ai.

I pyetur nëse Mourinho do të kthehej në Inter, Zanettit nuk i pëlqeu aspak pyetja.

“Ky është mos respekt ndaj Luciano Spallettit, i cili është duke u përgatitur për një ndeshje shumë të rëndësishme kundër Lazios”, theksoi ish-kapiteni zikaltër. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...