Warren Zaire-Emery hyri sonte në histori të Ligës së Kampionëve.
Mesfushori francez u bë futbollisti më i ri në moshë që starton në një ndeshje të fazës eliminatore të kësaj gare, shkruan Gazeta Express.
Zaire-Emery ishte titullar sonte në ndeshjen ndaj Bayern Munichit, të vlefshme për 1/8 e finales, që u fitua nga “Bavarezët” me rezultatin minimal, 0:1.
Ai shkroi historinë, duke qenë titullar në një ndeshje të tillë si 16-vjeç e 343 ditë.
Warren Zaire-Emery luajti në këtë ndeshje për 57 minuta. /Gazeta Express/
