Pas ndarjes dramatike me të dashurin e saj historik Zaimina Vasjari ka hapur një kapitull të ri në jetën e saj. Këngëtarja e njohur i është përkushtuar biznesit dhe punës në muzikë, por jo vetëm kaq.

Vetëm pak ditë më parë, Zaimina zbuloi se kishte një mashkull në jetën e saj, teksa tha në rrjetet sociale se ndjente ende aromën e tij në çarçafë. Por kush është mashkulli misterioz që ka fituar zemrën e bukuroshes shqiptare? Thashethemet tregojnë se Zaimina tashmë prej disa javësh është në lidhje me një biznesmen kosovar, i cili është mjaft i përkushtuar.

Madje, çifti ka udhëtuar së bashku edhe drejt Maldiveve, ku po kalojnë disa ditë relaksi. Zaimina ka publikuar disa foto ku shihet tejet seksi e veshur me bikini, por biznesmeni në fjalë ka preferuar të qëndrojë jashtë objektivit të aparatit. Edhe pse thuhet se këngëtarja dhe i dashuri i saj i ri e kanë marrë seriozisht lidhjen, duket se ata nuk janë ende gati të dalin publikisht.