Yaya Toure i ka kaluar testet mjekësore në Londër dhe është shumë pranë nënshkrimit të kontratës, sipas agjentit të tij, Dimitry Seluk.
Toure, 35-vjeçar, ka qenë lojtar i lirë që prej largimit nga Manchester City në fund të këtij sezoni, transmeton Gazeta Express.
Ylli i Bregut të Fildishtë lidhej me një ribashkim të mundshëm me ish-trajnerin e Man Cityt, Manuel Pellegrinin, megjithatë bosi i “Hammers” i hodhi poshtë këto spekulime dy javë më parë.
Gjithsesi, Toure duket se është shumë afër nënshkrimit të kontratës me një klub të ri, me agjentin e tij Seluk që mbrëmë shkroi në Twitter se janë buzë arritjes së marrëveshjes.
“Toure i ka kaluar testet mjekësore në Londër. Yaya është pranë nënshkrimit të kontratës së re”, shtoi ai. /Gazeta Express/
