Sot me 10.03.2015 u mbajt tryeza e rrumbullakët e organizuar nga Organizata Joqeveritare YAHR me temë: ”Transparenca e institucioneve lokale në Komunën e Lipjanit”. Pas debateve dhe diskutimeve të shumta mbi gjendjen e transparencës në institucionet lokale në Komunën e Lipjanit ,ku në kuadër të këtij takim u formua edhe Grupi Joformal për Transparencë, i cili përbëhet nga shoqëria civile, gazetarët dhe subjektet politike opozitare që veprojnë në Komunën e Lipjanit.
Në fund të këtij takimi, Forumi për transparencë nxjerri këto konkluzione:
– Të kërkohet nga institucionet lokale në Lipjanit të gjejnë një zgjidhje për transmetimin e seancave të Kuvendit Komunale në media lokale televizive,
– Kërkesë për Kuvendin Komunale që të plotësohet pozita e paraparë për vetëvendosjen në Komitetin për Politikë dhe Financa, pas kalimit të Arben Bahtrir-it në radhët e LDK-së,
– Të vazhdohet me organizimin e debateve të tilla, sipas nevojave të këtij forumi,
– Të i mundësohet qasja e shoqërisë civile si monitoruese në hapësirat e institucioneve lokale,
– Të bëhen publike lista e poentimit të kandidatëve konkurrent në vendet e shpallura për punësim,
– Të plotësohet vendet e parapara për shoqërinë civile nëpër komisionet dhe organet tjera në institucionet lokale të parapara sipas ligjeve, etj.”, thuhet në njoftimin e Organizates joqeveritare YAHR.