Organizata Joqeveritare ka dalur me një Komunuikatë për media duke thënë se ekzekutivi i komunës së Lipjanit nuk po i perfill kërkesat deputetëve të Kuvendit Komunal të Lipjanit drejtuar ekzekutivit lidhur me pyetjet dhe shqetësimet e tyre.
4 Shkurt 2015 : Organizata Joqeveritare YAHR nëpër mes kësaj komunikate për media shpreh shqetësimin e saj dhe reagon për mos përfilljen e kërkesa të deputete të Kuvendit komunal të Lipjanit drejtuar ekzekutivit lidhur me pyetjet dhe shqetësimet e tyre.
Në mbledhjen e 12-të të datës 15 Dhjetor 2014, nga ana e 12 deputete u parashtruan 12 pyetje konkrete ndaj ekzekutivit, por nuk murrën asnjë përgjigje nga ana e ekzekutivit në atë mbledhje, por as edhe në mbledhjen e fundit të mbajtur me datën 30 Janar 2015.
Në vazhdim po cekim shqetësimet dhe pyetjet e deputeteve komunal drejtuar ekzekutivit të Komunës së Lipjanit:
Florent Hoxha, nga grupi parlamentar i PDK-së e ngriti çështjen e mos pagesës së mëditjeve për mbledhjen e kaluar. Po ashtu ngriti çështje e Mërgim Oruqi është caktuar në panelin përzgjedhës për përzgjedhjen e kandidatëve në Komitetin Konsultativ për Kulturë, Rini dhe Sport e që është thënë se vjen nga shoqëria civile, por ky ka kaluar në LDK dhe nuk mund të jetë anëtarë i këtij paneli. Linda Shahini, ngriti shqetësimin lidhur me krijimin e deponive të egëra në disa vende në Magurë , gjithashtu paraqiti edhe shqetësimin e qytetarëve të fshatit Kraishtë të cilët kërkojnë vendosjen e shenjave në rrugë .Ramiz Qeriqi, ngriti çështjen e problemeve të qytetareve lidhur me emërimin e rrugëve. Edita Gashi, paraqiti shqetësimin e lidhur me mbylljen së kanalizimit në Babush të Muhaxherëve .
Vlora Buja, në emër të grupit parlamentar të PDK-së kërkoj që kërkesa e shërbyesve civil për ndarje të ndihmës për festat e fund vitit të aprovohet. Burbuqe Ilazi, paraqiti shqetësimin e familjarëve ku Kryetari i Komunës e ka larguar nga prioriteti asfaltimin e rrugës të lagjes “Ilazi” e cila rrugë edhe lidhë fshatin Torinë me Ribarë të Vogël. Enver Kozhani, si anëtarë i Kuvendit e ngriti një shqetësim për shëndetësi ku qytetarët e Lipjanit me rastin e vizitave në QKMF në Lipjan, aty nuk ju ofrohet asgjë nga barnat esenciale e gjithashtu mungojnë edhe barnat për trajtim. Merita Zeqiri, parashtroi pyetje se a ka pasur ndonjë kërkesë nga shoqata e familjeve të Dëshmorëve për ndonjë pagesë . Nazmi Krasniqi, ngriti çështjen e mos transparencës së komunës dhe shkeljet e ligjshmërisë .
Të gjitha këto pyetje dhe shqetësime të deputetet e Kuvendit Komunal të Lipjanit nuk marrin përgjigje nga ana e ekzekutivit dhe po ashtu edhe nga ana e kryesuese së kuvendit komunal që janë të obliguar me ligjit aktuale në fuqi.
Ekzekutivi i komunë së është i obliguar që të ju përgjigjet deputetëve në rast të parashtrimit të pyetjeve. Me këtë shkelet ligji për vetëqeverisje lokale Nr. 03/L-040 të datës 20 shkurt 2008, të nenin 39. Ku ka të bëjë me të drejtat dhe detyrat e anëtarëve të kuvendit të komunës, pika 2, ku thuhet citojmë: ”Anëtari i kuvendit të komunës ka të drejtë të kërkojë informacione lidhur me çështjet komunale nga kryetari, apo nga zëvendës-kryesuesi i komitetit. Kërkesa shqyrtohet në pajtim me procedurat që do të përcaktohen në Statut dhe Rregulloren e punës”.
Po ashtu, kemi shkeljen e rregullores së punës të Kuvendit Komunal të Lipjanit të datës 07.11.2014, të Kapitullit VI. Ku ka të bëjë me të drejtat, obligimet e anëtarëve të Kuvendit dhe parashtrimi i propozimeve procedurale, ku në nenin 14 lidhur me të drejtat e anëtarëve të Kuvendit të komunës në pikën “e”, thuhet citojmë: “” Të kërkojnë nga Kryetari i Komunës dhe drejtorët e organeve të Administratës Komunale, informacione me gojë dhe me shkrim lidhur me çështjet komunale”.