Ish gazetarja, Arbana Xharra, ka folur për diskutimet që krijohen në opinionin publik pasi ndodh ndonjë vrasje. Sipas Xharrës kur ndodh ndonjë vrasje reagojnë dy grupe njerëzish, njëri grup e përdor për synime politike ndërsa grupi tjetër përbëhet nga vetë dorasi, por që akuzon të tjerët për ta fshehur vetën.
“Këtë e bënë Millovan Drecun kur akuzon Kadri Veselin dhe shqiptarët se janë në dijeni për atentatin qyqar ndaj Oliverit. Këtë metodë përdor Drecun sa herë kur e heqin qafe ndonjë kundërshtar – ai pra i cili morri pjesë si “gazetar” me çetat paramilitare që dogjën Kosovën dhe bënë gjenocidin në 1999-en”, shkruan Xharra, transmeton Express.
Ajo beson se Ivanoviqi nuk është eleminuar nga shqiptarët. Konsideron se tradita e vrasjeve nga shteti serb po vazhdon edhe sot.
“Një gjë është më se e sigurt: Oliver Ivanoviç që së fundi u bë politikani ndër më pragmatikët i palës serbe nuk mund të jetë eliminuar nga shqiptarët, asnjëherë, ai mund të ishte viktimë vetëm i atyre që luftojnë shtetin e Kosovës dhe paqen këtu ose e ndonjë krimi ordiner. Vuçiqi vet e ka pranuar se rastin makabër “Panda” e kanë kryer shërbimet serbe. Të njëjtat vranë Gjingjiqin dhe se kjo traditë po duket se po vazhdon edhe sot”, ka shkruar më tej Xharra./Express
