Trajneri i Barcelonës, Xavi ka zbuluar arsyen pse skuadra e tij nuk është favoritet për ta fituar trofeun e Ligës së Evropës, teksa ka folur për përballjen ndaj Napolit.

Ndeshja e parë mes Barcelonës dhe Napolit do të zhvillohet sonte (e enjte) në Camp Nou me fillim nga ora 18:45.

“Kritika është normale në një ekip si Barcelona, ata më ndihmuan të përmirësohem si futbollist”, ka thënë fillimisht Xavi në konferencën për shtyp.

“Ne nuk kemi një formacion fiks. Çdo lojtar është i dobishëm, të gjithë kanë luajtur vazhdimisht – pothuajse të gjithë. Eric dhe Busquets janë dy lojtarë vendimtarë, por nesër (sot) mund të jetë një ditë e mirë për të pushuar Busquets, ose ndoshta të dielën. Është e qartë se ai nuk mund të luajë çdo ndeshje”.

“Do të bëjmë ndryshime, por do të përpiqemi të jemi konkurrues. Ne kemi shumë opsione në sulm dhe është shumë mirë për mua si trajner”.

𝐁𝐀𝐑𝐂̧𝐀 ⚔ 𝐍𝐀𝐏𝐎𝐋𝐈 pic.twitter.com/899rYAWiVF

— FC Barcelona (@FCBarcelona) February 17, 2022

“Napoli është në një nivel të Ligës së Kampionëve, kjo ndeshje mund të luhej në Ligë të Kampionëve, ata janë një ekip i shkëlqyer. Ata janë pa lojtarë të rëndësishëm si Matteo Politano dhe Hirving Lozano, i cili është një futbollist i madh”.

“Nuk do të thosha se ne jemi favorit. Ne do të përballemi me një kundërshtar të vështirë dhe Sevilla ka shumë më tepër përvojë se ne në këtë garë. Jemi në mesin e kandidatëve, por jo favoritët”, përfundoi trajneri i Barcelonës. /Telegrafi/