Xavi, ish mesfushori i Barcelonës, beson se Pep Guardiola mund të fitojë gjithçka me Manchester Cityn këtë sezon
Pep Guardiola e ka nisur mbarë aventurën te Manchester City. Strategu spanjoll mund të fitojë gjithçka me ekipin nga Premierliga këtë sezon.
Kështu mendon mesfushori spanjoll, Xavi Hernandez, i cili ka punuar me Guardiolan te Barcelona për disa sezone.
“Pep është një fitues. Ai dëshiron të fitoj të gjithë trofetë këtë sezon, dhe me skuadrën që ka në Manchester City nuk ka arsyeje që mos t’i arrij këto objektiva”, ka deklaruar Xavi për Goal.com, përcjell Express.
“Ai fitoi tripletën me Barcelonën dhe ai mund të fitojë tre ose katër trofe këtë sezon. Ai dëshiron t’i fitoj të gjitha, natyrisht, Premierliga dhe Liga e Kampionëve janë të veçanta”, ka theksuar anëtari i Al Sadd. /Express/
