Karl-Heinz Förster ka refuzuar të flasë për të ardhmen e Werner, që sipas “SportBild”, mund të konsiderohet qysh tani lojtar i Bayern Munich.
“Ka shumë spekulime, por nuk dua të përzihem”, këto ishin fjalët e Karl-Heinz Förster, agjentit të Timo Werner, i pyetur për lajmin e “SportBild”, sipas të cilit ai ka rënë dakord me Bayernin për të transferuar lojtarin e Përfaqësueses së Gjermanisë në “Allianz Arena” verën e ardhshme, transmeton Gazeta Express.
Sipas “SportBild”, Werner i ka premtuar Leipzigut që nuk do largohet falas nga klubi, duke rritur shanset e një transferimi në Munich gjatë verës, pasi kontrata i skadon në vitin 2020.
22-vjecari ka bërë 25 paraqitje këtë edicion për RB Leipzig dhe ka realizuar 14 gola. /Gazeta Express/


