Trajneri i Arsenalit, Arsene Wenger, është i bindur se transferi i tij i kësaj vere, Alexis Sanchez, do të arrijë që të shkëlqejë dhe ta tregojë veten.

Topçinjtë u frustruan për të gjetur fitoren para se Ramsey të shënonte në fund të takimit golin e fitores në një paraqitje jo bindëse të Arsenalit dhe Wenger ka kërkuar durim.

“Jam shumë i kënaqur me qëdrimin e tij, sepse ai luftoi për 90 minuta, edhe pse nuk është plotësisht gati fizikisht”.

“Taktikisht ai ka nevojë që të përmirësohet dhe të përmirësojë mirëkuptimin me bashklojtarët. Ai u duk mjaft i rrezikshëm deri në fund dhe jam i kënaqur në përgjithësi me karakterin dhe performancën e tij”, potencoi Wenger.