Menaxheri i Arsenalit, Arsene Wenger, ka shpalosur frikën e tij që ka në raport me rrjetet sociale.

Arsenali humbi nga Stoke vitin e kaluar dhe sërish takohet me klubin nga Britannia Stadium, teksa vitin e kaluar ekipin e prisnin tifozë të zenëruar në stacionin e trenave.

Wenger thotë se kjo është si pasojë e impaktit të rrjeteve sociale.

“Atë kohë unë e pashë se njerëzit ishin të zemëruar dhe nuk e mora personalisht. Ishte klubi përgjegjës për rezultate, të gjithë ne”.

“Nuk e mora personalisht. Ky problem ekziston shumë në Francë, kur njerëzit vijnë të zhgënjyer dhe kanë sjellje agresive”.

“Ky mund të jetë problemi i futbollit në vitet në vijim”.

“Ndoshta me rrjetet sociale mblidhen më shumë njerëz agresivë që kanë mendime të njëjta”, u shpreh Wenger. /Telegrafi/