Në moshën 41 vjeçare, si pasojë e një sëmundje të rëndë, sot ka ndërruar jetë veterani i UÇK-së, Lulzim Jashari nga Strofci i Vushtrrisë.
Në pranverë të këtij viti ai ishte sëmurë si pasojë e një sulmi në tru, të cilit i kishte mbijetuar deri më tani, raporton portali Veriu.
Luli ishte pjesëtar i Batalionit të parë të Brigadës 142, të Zonës Operative të Shalës të UÇK-së.
Ndërkaq, pas lufte, ishte pjesëtar i TMK-së, deri në shpërbërjen e saj.
Varrimi i të ndjerit bëhet sot prej orës 18:00 në varrezat e fshatit Strofc. /Veriu/
