Kryeministri serb, Aleksandar Vuçiq ka thënë se çështja e Kosovës mbetet një sfidë e madhe për mandatin e qeverisë së tij e cila nuk e njeh siç thotë ai shpalljen në mënyrë të anshme të pavarësisë së krahinës jugore serb.

Vuçiq gjithashtu ka bërë me dije se është në interes të stabilitetit rajonal vazhdimi i dialogut me Prishtinën, transmeton Klan Kosova.

“Në dialog ne do të marrim pjesë në mënyrë të përgjegjshme dhe transparente dhe të gjitha marrëveshjet, si më parë, do të vihen në dispozicionin e publikut”, është shprehu Vuçiq.

Ai gjithashtu ka thënë se Serbia do të vazhdojë që të jetë e pranishme në institucionet e Kosovës, përmes sistemit të saj arsimor, shëndetësor, të kulturës si dhe vetëqeverisjes lokale.