Vuçiqi thotë se dera është e hapur edhe për Kosovën që t’i bashkohet “Ballkanit të Hapur”

PUBLIKUAR

Presidenti i Serbisë, Aleksandar Vuçiq, tha sot se “Ballkani i Hapur” i ka dyert e hapura për Prishtinën, Sarajevën dhe Podgoricën, transmeton Gazeta Express.

“Nuk mund t’i përgjigjem të njëjtës pyetje, jo se është e vështirë për mua, por më duket se kemi hyrë në thelb të problemeve të njerëzve tanë. Kemi mjaft punë dhe kujdes për t’u justifikuar para dikujt”, tha ai para gazetarëve pas takimit me kryeministrin e Shqipërisë Edi Rama dhe zëvendëskryeministrin e Maqedonisë së Veriut Nikola Dimitrov.

“Nuk më shkon në mendje t’i justifikohem askujt për asgjë, as në BE e as në rajon”, tha presidenti i Serbisë.

Vuçiq theksoi se njerëzit janë “esenca e këtij projekti, njerëzit, jo takimet dhe iniciativat”.

Presidenti serb tha se “Ballkani i Hapur” mbështetet nga të gjithë, por se ka mangësi në zbatim, ndaj shtoi se “është e rëndësishme ta shohim në terren ku ka dështuar”.

“Ne e konsiderojmë Ballkanin e Hapur një iniciativë të jashtëzakonshme, nuk është bërë për politikanë, por për njerëzit që jetojnë në Suboticë, Sarandë, në çdo qytet dhe fshat”, tha Vuçiq.

SHIKO MË SHUMË

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...

Jakup Krasniqi përfundon sot vizitën në Kosovë – në ora 15:00 niset për në Hagë

Ish-kryekuvendari, Jakup Krasniqi, pritet të largohet nga Kosova, të shtunën pas vizitës katërditore për...