Sulmet ajrore saudite kanë vrarë sot 14 punëtorë civilë që po punonin në ndërrimin e natës në kryeqytetin e Jemenit, Sana, kështu ka thënë një zyrtar i një fabrike të Jemenit dhe dy mjekë.

Ata thonë se sulmet ajrore, të cilat kanë vazhduar edhe sot, kanë për cak rebelët shiit të Jemenit, por njëra nga to ka goditur fabrikën ushqimore “ak-Aqil”, raporton AP, përcjell Express.

Zyrtari dhe mjekët kanë folur në kushte anonimiteti nga frika se mund të ndëshkohen.