Misterit të vrasjes së kandidatit të PDK-së për deputet të Kuvendit të Kosovës, Elvis Pista, po i vjen fundi.
Organet e hetuesisë janë afër gjurmëve të personit i cili në mesnatën mes 14 dhe 15 Qershorit, qëlloi katër herë mbrapa shpine Elvis Pisten, duke e lënë pa shenja jete.
Lajmin për Tv Rrokum e ka bërë të ditur kryeprokurorja e Prokurorisë Themelore në Gjakovë, Shpresa Bakija, e cila tha se presin që shumë shpejt të kenë rezultate dhe të vijnë deri te identifikimi i vrasësit.
Ajo nuk ka dhanë detaje rreth dyshimeve të mundshme për motivet që kanë quar deri te vrasja e Pistës, sepse mund të dëmtohen hetimet. /Rrokum/