Ajo që mbrojti Bllokun në Kushtetuese tha se Gjykata është kapur nga pushteti. Vjosa Osmani tha se e drejta është në anën e Bllokut derisa thumboi ish profesorin e saj, Arsim Bajramin e PDK’së, kur deklaroi se nuk ka mësuar shumë nga ai.
Ajo sa se në Kushtetuese nuk ishte e vetme përballë PDK’së.

“Ndër të tjera kemi pasur edhe avokatë ndërkombëtarë të cilët kanë qenë të përfshirë në përgatitjen e rastit”, tha Osmani për Klan Kosova.

Tha se PDK po kontrollon çdo institucion të pavarur.

“Nuk bëhet fjalë për argumentet, bëhet fjalë për atë se kemi pasë kundërshtar PDK’ja dhe në Kosovën e sotme askund askush nuk mund të fitoj raste kundër PDK’së, sepse ata po e kontrollojnë nëpërmjet kapjes së shtetit çdo institucion të pavarur”, tha ajo.

Osmani ka komente edhe për ish profesorin e saj, i cili vazhdimisht po e quan studente të mirë të juridikut, por që për pjekuri politike, ende ka kohë.

“Më shumë vite të studimeve kam në Shtetet e Bashkuara të Amerikës, dhe mësimet e demokracisë, në fakt i kam marrë atje, kurse besoj se edhe profesor Bajrami, dhe të gjithë të tjerët që janë në skenën politike po flas për ata që janë të shkolluar dhe ata dikur kanë qenë studentë të dikujt”, tha ajo.