Kapiteni i Romës, Francesco Totti, ka thënë se askush nuk mund t’ia ndalojë që të luajë futboll.

Luciano Spalletti e ka përjashtuar ikonën e klubit nga ndeshja ndaj Palermos dhe kjo padyshim se nuk i pëlqen 39-vjeçarit.

“Dua të luaj, sepse akoma ndjehem si lojtar. Jam me fat që e kam ende pasionin, sepse jam i pari që vij në stërvitje dhe i fundit që largohem”.

“Kur e ke këtë, do të thotë se e ke urinë dhe përulësinë për të vazhduar dhe askush nuk mund të më detyrojë të ndalem”.

“Të gjithë e kanë lirinë të mendojnë dhe të thonë çfarë duan, por fjala e fundit më takon mua. Dhe unë e di se mund të jap më shumë. Në qershor do të vendos për të ardhmen time”, ka theksuar Totti. /Telegrafi/