Kryetari i Komunës së Lipjanit me datë 03.10.2014 ka nxjerr një vendim ne te cilin ka licencuar një OJQ që quhet “VIZIONI RINOR I JANJEVËS” si qendër rinore publike. Në vendim thuhet që drejtorati për Kulturë, Rini dhe Sport do të kujdeset për sigurimin e hapësirës së cekur dhe për mënyrën e financimit në pajtim me dispozitat e udhëzimit administrativ nr.11/2010 për licencimin e qendrave rinore publike.
Neni 3 i këtij vendimi thotë:
“Qendra Rinore Publike do të vazhdoj të funksionoj në lokacionet ku deri më tani i ka zhvilluar aktivitetet, deri në momentin e krijimit të kushteve kur Komuna do t’ia caktoj hapësirën për ztrvillimin e aktivitetit të vazhdueshëm. Drejtorati për Kulturë, Rini dhe Sport do të kujdeset për sigurimin e hapësirës së cekur në dhe për mënyrën e financimit në pajtim me dispozitat e udhdzimit administrativ nr.11/2010 për licencimin e qendrave rinore publike”
LipjaniNews ka kontaktuar disa herë drejtuesit e “VIZIONI RINOR I JANJEVËS” për të kuptuar se cilat janë aktivitetet e kësaj organizate por ata kanë hezituar të përgjigjen pyetjeve të gazetarëve./LipjaniNews/
Ja edhe vendimi i Kryetarit Ahmeti.
