Në një intervistë për Sky Sports, mesfushori që la Liverpoolin për Juventusin, Emre Can, ka zbuluar objektivat e “Zonjës së Vjetër”, transmeton Gazeta Express.

Can ka thënë se objektivi numër një është Scudetto, duke mos e anashkaluar Ligën e Kampionëve – trofe që ëndërrojnë dhe luftojnë tash e disa vite.

Për këtë kanë transferuar edhe Cristiano Ronaldon nga Real Madridi dhe me të në skuadër, Can beson se mund t’i shkojnë deri në fund këtij kompeticioni.

“Scudetto është objektivi ynë i parë, por natyrisht është edhe Champions League”, u shpreh Can.

“Champions? Atletico është një nga skuadrat më të vështira, por ne ëndërrojmë Championsin, ashtu si tifozët tanë”, shtoi ai.

“Ronaldo? Është bukur të luash me Ronaldon, të gjithë do të donin ta kishin atë në  skuadër. Është një kampion dhe një njeri shumë i mirë jashtë fushës, gjithmonë i gatshëm”.

“Mund të mësosh shumë nga ai. E motivon shumë skuadrën dhe klubin. Vitin e kaluar kam humbur finalen e Championsit kundër tij, këtë vit dua ta fitoj bashkë me të”, deklaroi mes tjerash Can. /Gazeta Express/