Policia e Kosovës ka njoftuar se në Lipjan ka ndodhur një rast i vjedhjes. Ankuesi mashkull kosovar (pronar i kompanisë ndërtimore) ka raportuar se, në objektin e tij në proces ndërtimi, persona të panjohur gjatë natës kanë vjedhur kabllo elektrike në vlerë rreth gjashtëmijë (6.000) €.
Lidhur me rastin është informuar edhe prokurori, ndërsa njësitet policore janë duke hetuar rastin.
Gjithashtu vjedhje e kabllove të energjisë elektrike janë vjedhur edhe në fshatin Miradi e Epërme në Fushë Kosovë.
Ankuesi mashkull kosovar, ka raportuar se përmes video incizimeve kanë vërejtur se dy të dyshuar deri më tani të pa njohur, kanë vjedhur kabllo të energjisë elektrike në vlerë 22.500 (njëzet e dy mijë e pesëqind)€.
Njësitë relevante policore kanë dalë në vendin e ngjarjes. Në lidhje me rastin është konsultuar prokurori i shtetit, rasti vazhdon të hetohet.
