Faqja zyrtare e Liverpoolit në rrjetin social Twitter e ka publikuar një video ku shihet të gjitha veprimet e trajnerit Jurgen Kloppit për gjashtë minuta, duke filluar nga momenti kur gjyqtari e sinjalizoi fundin e finales së Ligës së Kampionëve.

“Nëse unë jam i ulur këtu pas katër vjetëve, mendoj se do ta kemi fituar një trofe. Nëse jo, atëherë puna ime e radhës mund të jetë në Zvicër”, kishte thënë Jurgen Klopp kur u emërua trajner i Liverpoolit, në tetor të vitit 2015, transmeton Gazeta Express.

Pesë muaj para se të arrinte ky afat kohor prej katër vjetësh, trajneri gjerman kishte qenë ende në kërkim të trofeut të tij të parë në “Anfield”, pasi kishte pësuar disfatë në finale të League Cup, Ligës së Evropës dhe Ligës së Kampionëve.

Por, Kloppi e shpëtoi veten nga detyrimi për ta marrë drejtimin e ndonjë klubi zviceran duke e fituar një trofe të madh në mundësinë e tij të fundit si trajner i Liverpoolit.

Kloppi e drejtoi skuadrën e tij të Liverpoolin në finale të Ligës së Kampionëve kundër Tottenhamit. Në të finale, më 1 qershor në Madrid, Liverpooli triumfoi me rezultat 2:0.

Si reagoi ai kur gjyqtari e sinjalizoi fundin e ndeshjes dhe Kloppi e skuadra e tij u shpallën kampionë të Evropës? Këtë gjë mund ta kuptoni përmes videos së postuar nga llogaria zyrtare e Liverpoolit në rrjetin social Twitter.

Siç shihet në këtë video, ai nuk çmendet duke festuar. Fillimisht e përqafon miqësisht dhe flet pak me Mauricio Pochettinon. Pasi i uron anëtarët e stafit të tij, ai e ngre Jan Vertonghenin nga fusha.

Lojtari i parë i Liverpoolit të cilin e përqafon? Trent Alexander-Arnold.

Andy Robertson dhe Adam Lallana vijnë pas, ndërsa Georginio Wijnaldum i kërcen në shpinë. Simon Mignoletin e përqafon shpejt e shpejt dhe pastaj Kloppi e përjeton një moment emocional me kapitenin Jordan Henderson. /Gazeta Express/