Ndeshja mes Prishtinës dhe Dritës e cila vendosi edhe fatin e kampionit të Kosovës për këtë stinor nuk ka kaluar pa incidente.
Pas përfundimit të ndeshjes, një veturë e tipit “Passat”, me targa të Gjilanit ka hyrë në trotuar duke goditur tifozët e Prishtinës të cilit kishin ardhur për ta ndjekur ndeshjen, raporton lajmi.net.
Ky incident ka ndodhur në një pompë të benzinës në rrethinën e Pejës, ku tifozët e Prishtinës ishin stacionuar aty në pritje të autobusëve që do të kryenin kthimin e tyre për në kryeqytet.
Gazetari i lajmi.net nga vendi i ngjarjes bën të ditur se janë lënduar të paktën dy persona, ndërkaq që drejtuesi i automjetit është arrestuar nga policia.