Paris Saint-Germaini nuk ka arritur të fitojë si mysafir i Reims në ndeshjen e xhiros së gjashtë të Ligue 1 që përfundoi me rezultat 1-1.
Gjysma e parë nuk prodhoi gola, ndërsa të dy golat u realizuan kah fundi i ndeshjes.
Të parët në epërsi kaluan vendasit përmes Theoson Jordan Siebatcheu (83’).
Mirëpo, akoma pa përfunduar festa e tifozëve në stadium, Edinson Cavani e barazoi rezultatin (84’).
Ky ishte goli i pestë i uruguaianit këtë edicion në kampionatin francez dhe aktualisht është golashënuesi më i mirë.
PSG kryeson tabelën e Ligue 1 me një pikë më shumë se Rennes. /Telegrafi/
