Ka pasur shumë thashetheme rreth një transferimi të mundshëm të Sergio Ramos në Premier Ligë te Manchester United, por sipas raporteve të fundit është Bayern Munichu ekipi i vetëm që ka kërkuar informacione për mbrojtësin spanjoll.
Sipas ‘El Confidencial’, edhe pse United është ekipi më i përfolur rreth të ardhmes së Sergio Ramos, në fakt është Bayerni ekipi i vetëm që ka kontaktuar Real Madridin për të marrë informacione rreth mbrojtësit 29-vjeçar.
Besohet se Ramos është bërë i pakënaqur te klubi mbretëror për shkak se drejtuesit e klubit nuk i kanë ofruar atij një pagë të re me përfitime prej 10 milionë eurosh në sezon, mirëpo i kanë ofruar një pagë vjetore prej rreth tetë milionë eurosh. /Telegrafi/
