Kryetari i Kuvendit të Kosovës, Kadri Veseli, nëpërmjet Facebook-ut është solidarizuar me popullin turk pas sulmit terrorist ku mbetën 28 persona të vrarë.
Duke ofruar bashkëpunimin e Kosovës në luftën kundër terrorizmit, sulmin terrorist ndaj civilëve në Turqi, Veseli e ka quajtur mizor.
“Po lexoj në medie për sulmin mizor që terroristët sot kryen në Turqi. Ngushëllime popullit dhe institucioneve të shtetit turk. Në këto momente, së bashku me të gjitha shtetet aleate në luftën kundër terrorizmit, Kosova qëndron pranë Turqisë dhe qytetarëve të saj, me ndjenjat e saj të dhimbjes, solidaritetit dhe miqësisë”, ka shkruar Veseli.
