Përzgjedhësi i Italisë, Antonio Conte, thuhet se do të luajë me Marco Verrattin dhe Andrea Pirlon në ndeshjen kundër Maltës.
Trajneri italian ka bërë disa eksperimente gjatë stërvitjeve para ndeshjes kualifikuese për ‘Euro 2016’ që zhvillohet të enjten mbrëma.
Sipas njoftimeve, mjeshtri i mesfushës, Pirlo, do të bëhet lojtari i parë nga MLS që luan për Italinë.
Po ashtu, pritet që nga minuta e parë të startojë në mesfushë edhe ylli i Paris Saint-Germainit, Verratti, së bashku me Andrea Bertolaccin.
Do të jetë një ndodhi e rrallë që të shohim në të njëjtën skuadër edhe Pirlon edhe Verrattin.
Formacioni i mundshëm i Italisë: Buffon; Darmian, Bonucci, Chiellini, Criscito; Verratti, Pirlo, Bertolacci; Vazquez, Pelle, Eder. /Telegrafi/