Marco Verratti beson se Juventusi mund ta eliminojë Barcelonën nga Liga e Kampionëve
Mesfushori italian, Marco Verratti, ka përjetuar humbjen më të rëndë në karrierë me Paris Saint-Germainin, duke u mposhtur 6:1 nga Barcelona në “Camp Nou” – për t’u eliminuar nga Championsi.
Tani në çerekfinale, Barcelona që shkroi histori kundër PSG-së, do të përballet me Juventusin.
Sipas Verrattit, italianët kanë shanse të mira që të kualifikohen në gjysmëfinale.
“Juve ka mundësi të mira që të kalojë në fazën tjetër. Ata janë rritur shumë këtë sezon”, tha Verratti për “TMW Radio”. /Express/
