Policia e Kosovës dje gjatë realizimit të detyrave të tyre në brezin kufitarë me Serbinë, në dy raste të ndara ka ndaluar dy vetura që bartnin mall të kontrabanduar.

Rasti i parë ndodhi rreth orës 04:46 të mëngjesit gjatë një pike vëzhgimi në fshatin Muçibabë, ku në veturën e ndaluar që drejtohej nga I.J., gjatë kontrollit janë gjetur mallrat: 24 litra verë, 600 shishe birra dhe 260 shishe uji mineral dhe natyral.

Edhe rasti i dytë, ndodhi në Muçibabë, ku në veturën që drejtohej nga M.S. janë gjetur mallrat: dy paket mish dhe 640 shishe me birra.

Lidhur me të dyja rastet është kontaktuar prokurori kujdestar, i cili ka rekomanduar që të dyshuarit të lirohen, ndërsa malli i lartshënuar së bashku me automjetet të dorëzohen në terminalin doganor./Klankosova.tv