Kryetari i Podujevës, Agim Veliu, ka vizituar pompën e derivateve “Shqiponja Petrol” në Podujevë, e cila mëngjesin e sotëm ishte përfshirë nga zjarri.

Veliu falënderoi organet dhe institucionet relevante emergjente për efikasitetin e treguar në parandalimin e një fatkeqësie me përmasa tragjike.
“Jam këtu për të parë nga afër gjendjen pas zjarrit. Është fat i mirë që nuk ka viktima në njerëz. Me këtë rast dua të shpreh konsideratën time për punën dhe efikasitetin e Policisë së Kosovës, Brigadës së Zjarrëfiksëve dhe Shërbimit të Emergjencave të Komunës së Podujevës, për intervenim të menjëhershëm dhe që nga mëngjesi janë në nivelin e detyrës duke parandaluar më të keqen”, tha Veliu.

Ende nuk dihet shkaktari i zjarrit. /Telegrafi/