Vdes personi që gjendej në veturën e përfshirë nga zjarri në një pompë derivatesh në magjistralen Prishtinë – Ferizaj

PUBLIKUAR

Një person ka vdekur si pasojë e flakëve që kapluan automjetin e tij në një pompë derivatesh në magjistralen Prishtinë – Ferizaj, përkatësisht në fshatin Babush.

Lajmin e ka bërë të ditur Kanun Veseli, zëdhënës i Policisë për rajonin e Ferizajt.

Ai ka thënë se personi që ishte në automjet ka humbur jetën ndërsa personi tjetër që ka qenë në marketin e pikës së karburantit ka marrë lëndime trupore.

I njëjti sipas policisë është dërguar për trajtim mjekësor në Qendrën Klinike Universitare.

Në vendin e ngjarjes kanë dalë edhe zjarrëfikësit, të cilët kanë shuar zjarrin.

“Rreth orës 17:40 Policia Rajonale e Ferizajt ka pranuar një informacion se në rrugën magjistrale Ferizaj -Prishtinë, në hapësirën e një pike karburanti në fshatin Babush, një automjet i udhëtarëve me targa vendore është përfshirë nga flaka. Për pasoje një person ka humbur jetën që ishte në automjet. Ndërsa një person tjetër që ishte në marketin e kësaj pike karburanti ka marr lëndime trupore dhe është dërguar në Prishtinë për trajtim mjekësorë”, ka deklaruar Veseli.

Tutje ka theksuar se në vendin e ngjarjes kanë shkuar njësitet kompetente.

Po ashtu tha se Policia në koordinim me Prokurorinë Themelore të Ferizajt i ka nisur hetimet.

Deri në kohën e publikimit të lajmit, nuk dihen shkaqet që kanë çuar deri te incidenti me fatalitet. /Telegrafi/

SHIKO MË SHUMË

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...

Moti për javën e ardhshme, e hëna nis me vranësira dhe shi

Instituti Hidrometeorologjik ka dhënë detaje mbi parashikimin e motit për javën e ardhshme në...