Një person ka humbur sot jetën ndërsa dhe një tjetër është në gjendje të rëndë shëndetësore, pas një vetaksidenti me traktor.
Rasti ka ndodhur rreth orës 14.00 në fshatin Ngucat të Malishevës, ku ngasësi i traktorit humbi kontrollin mbi të duke shkaktuar rrokullisjen, transmeton klankosova.tv.
Për Klan Kosovën, rastin e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.
”Rreth orës 14:00 është raportuar aksident trafiku në fshatin Ngucat- Malishevë. Policia ju ka përgjigjur rastit, ku ngasësi i një traktori dyshohet të ketë humbur kontrollin mbi të dhe është vet-aksidentuar. Për pasojë një person mashkull i moshës madhore ka ndërruar jetë, vdekjen e të cilit e ka konstatuar ekipi mjekësor në vendin e ngjarjes, ndërsa një tjetër (po ashtu mashkull i moshës madhore) është dërguar në QKUK në gjendje të rëndë shëndetësore. Rasti është duke u hetuar nga Njësia Rajonale e Komunikacionit Rrugor”.
