Fitorja minimale ndaj Leganes të enjten mbrëma ishte e mjaftueshme për ta kënaqur Raphael Varanin, i cili refuzoi ta pranonte faktin se Real Madridi nuk tregoi asgjë të veçantë gjatë shumicës së kohës në ndeshjen e parë çerekfinale të Kupës së Mbretit.

Varane, i cili ishte kapiten i Real Madridit për herë të parë në këtë ndeshje, theksoi se Reali mund të mendojë vetëm për rezultatin final për shkak të formës së dobët këtë sezon, transmeton Express.

“Luajtëm më keq se në ndeshjen e kaluar, por fituam. Ndeshjen e fundit ku luajtëm mirë, por e humbëm, prandaj preferoj të luaj keq dhe të fitoj”, ka thënë Varane për gazetarë. /Express/