Valverde shpjegon pse nuk e aktivizoi Messin ndaj Interit

PUBLIKUAR

Trajneri i Barcelonës, Ernesto Valverde, ka thënë se nuk ka mundur të vërë në rrezik Lionel Messin duke e futur në ndeshje ndaj Interit mbrëmë në Ligën e Kampionëve, edhe pse ai u kthye në stërvitje para kësaj ndeshjeje në “San Siro”.

Ylli argjentinas e theu dorën gjatë një ndeshjeje të La Ligës kundër Sevillës kah mesi i tetorit, transmeton Gazeta Express.

Messi pritej të mungonte të paktën tri javë, dhe t’i humbiste disa ndeshje vendimtare në ligë dhe në garat evropiane.

Ai mungoi në fitoren 5-1 të Barçës kundër Real Madridit, në fitoren e ngushta ndaj Rayo Vallecanos dhe Cultural Leonesa në ligë dhe kupë dhe nuk pritej të përfshihej në ndeshjen në udhëtim ndaj Interit në Champions.

Megjithatë, Messi u rikthye para kohe dhe udhëtoi me skuadrën drejt Italisë, megjithëse Valverde nuk e aktivizoi.

“Nuk kemi mundur të rrezikojmë me Messin. Të stërvitesh nuk është njëlloj si të luash. Folëm për këtë dhe ai e kuptoi”, tha Valverde

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...