Trajneri i Barcelonës, Ernesto Valverde, ka thënë se Lionel Messi është gjithmonë një përparësi e madhe në ndeshjet e vështira, pasi argjentinasi e shënoi golin e fitores së Barçës kundër Atletico Madridit.
Messi realizoi një gol të jashtëzakonshëm në minutën e 86-të, duke i ndihmuar Barçës ta mundë 1:0 Atleticon dhe të rikthehet në krye të La Ligës të dielën, transmeton Gazeta Express.
Katalonasit ishin larg formës më të mirë kundër Atleticos në Wanda Metropolitano, por një moment magjie nga Messi bëri që ata ta kalojnë përsëri Real Madridin në vendin e parë në ligë.
I pyetur pas ndeshjes për pesë herë fituesin e Topit të Artë, Messin, Valverde tha: “Në ndeshje që janë të barabarta dhe të vështira, është gjithmonë përparësi e madhe ta kesh Messin në ekip”.
“Ne vuajtëm në fillim por i morëm tri pikët. Tani nuk kemi përse të mendojmë për gjërat e këqija”, shtoi ai. /Gazeta Express/