E përditshmja e njohur spanjolle “AS” raporton se trajneri i Barcelonës, Ernesto Valverde, është duke e konsideruar largimin nga “Camp Nou” në verë.
Megjithëse e udhëhoqi Barcelonën drejt triumfit në Kupën e Mbretit javën e kaluar dhe është shumë pranë ta mbyllë sezonin e Barçës si skuadër e pamposhtur në La Liga, Valverde mund të largohet pas vetëm sezonit të parë në krye të klubit, transmeton Gazeta Express.
Mes 54-vjeçarit dhe bordit të klubit ekzistojnë mospajtime pas eliminimit të hershëm nga Liga e Kampionëve.
Barcelona u mposht nga Roma 3-0 në Itali, përkundër se ndeshjen e parë ne Spanjën e fitoi 4-1, për t’u eliminuar në çerekfinale. /Express/