Trajneri i Barcelonës, Ernesto Valverde, e ka barazuar sot rekordin e vendosur vite më parë nga Pep Guardiola në klubin katalan.
Pas fitores ndaj Eibarit në La Liga të shtunën në mesditë, skuadra e Valverdes e ka zgjatur në 31 ndeshje ecurinë pa humbje në ligë, gjë të cilën e kishte arritur edhe Guardiola me Barçën e 2011-s, transmeton Express.
Fitorja ndaj Eibarit e vë Barcelonën 10 pikë para ndjekësit të parë në tabelë, Atletico Madridit, që ka një ndeshje më pak të zhvilluar.
Hera e vetme kur Barcelona nuk kishte humbur asnjëherë në 31 xhiro radhazi në La Liga ishte viti 2011, kur Pep Guardiola ishte në krye të gjigantit spanjoll.
Në javën e 25-të, Barcelona do të kërkojë ta thyejë këtë rekord në një ndeshje kundër Gironas. /Express/