Valon Berishës nuk po i vjen rasti kurrë!

PUBLIKUAR

Valon Berisha vazhdon të përfundojë në bankinë, pasi trajneri i Lazios, Simone Inzaghi nuk po ia jep rastin

Valon Berisha e kishte paramenduar ndryshe eksperiencën në Lazio, shkruan Gazeta Express.

Mesfushori kosovar kishte shkuar në ekipin nga Roma si përforcim i madh dhe me bindje se do të shpërthente dhe të jepte kontribut.

Por, lëndimet fillimisht e lanë prapa dhe mbeti pa luajtur në muajt e parë.

Më pas iu dha rasti në disa ndeshje, por nuk tregoi aq sa priste trajneri Simone Inzaghi.

Dhe, kjo ka bërë që përfaqësuesi kosovar të përfundojë në bankinë dhe minutazhi i tij është shumë i vogël.

Është e vërtetë se numri 7 i klubit Biancocelesti kishte probleme me lëndime, por tash është mirë dhe rasti nuk po i vjen.

Tek Lazio ndihen keq për faktin se prisnin shumë nga një lojtar si Berisha, por ai nuk ka arritur të lërë gjurmë dhe shenja ende në Romë.

Sezoni është ende i gjatë, por shpresat sa vijnë e zbehen që Berisha do të shpërthejë në muajt e fundit të sezonit.

Gjatë janarit flitej për një largim të tij të mundshëm nga “Olimpico”, por drejtori sportiv, Igli Tare e bindi atë të qëndrojë, së paku deri në verë.

Dhe, pas përfundimit të sezonit, Berisha do t’i shqyrtojë të gjitha mundësitë dhe opsionet, për ta bërë zgjedhjen më të mirë për të dhe për klubin italian. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...