Manchester Unitedi është kualifikuar në çerekfinale të Kupës FA, pas fitores prej 3-0 si mysafir i Shrewsbury Town.

Në takimin e zhvilluar në Greenhous Meadow, Djajtë e Kuq e patën të lehtë ta mposhtnin skuadrën që bën gara në League One.

Rezistenca e nikoqirëve mori fund në minutën e 35-të, kur Chris Smalling e zhbllokoi rezultatin.

Në minutat shtesë të pjesës së parë, Juan Mata ishte fantastik me një goditje nga gjuajtja e lirë (45’+2).

Rezultatin përfundimtar e vendosi Jesse Lingard, pas harkimit të Ander Herreras (61’).

Në çerekfinale, Manchester Unitedi do të luajë kundër West Ham Unitedit në ndeshjen që do të zhvillohet më 12 mars. /Telegrafi/