Manchester Unitedi ka shënuar fitore bindëse prej 3-0 kundër Stoke Cityt në Old Trafford.
Djajtë e Kuq ishin më të mirë se kundërshtari që nga fillimi i ndeshjes dhe brenda 45 minutave të para realizuan dy herë.
Rezultati u zhbllokua nga Jesse Lingard, i cili priti një harkim nga e majta për të shënuar në minutën e 14-të.
Pas një kundërsulmi të udhëhequr nga Rooney, Anthony Martial e dyfishoi epërsinë (23’).
Goli i tretë u realizua në pjesën e dytë, ndërsa golashënues ishte Wayne Rooney (53’).
Manchester Unitedi është i pesti në tabelë me 40 pikë, dhjetë më pak se lideri Leicester City.
Stoke City numëron 33 pikë dhe mban vendin e nëntë në tabelë. Xherdan Shaqiri nuk u aktivizua në këtë lojë. /Telegrafi/
