Manchester United raportohet se ka filluar bisedat me agjentin e sulmuesit të Real Madridit, Karim Benzema.
Manchester Evening News bën të ditur se drejtori ekzekutiv i United, Ed Woodward, është takuar me Karim Djaziri, përfaqësuesin e sulmuesit të Real Madridit, në The Savoy Hotel të Londrës të mërkurën.
Besohet se Djajtë e Kuq janë të gatshëm të ofrojnë 40 milionë euro për Benzeman, 27-vjeçar, dhe do të përpiqet të arrijë një marrëveshje me Realin në javët e ardhshme.
Louis van Gaal është i vendosur të shtojë kualitet në ekipin e tij këtë verë dhe e ka shndërruar Benzeman në prioritet.
Francezi shënoi 21 gola në të gjitha garat për Realin sezonin e kaluar. /Telegrafi/