Samir Ujkani duket se ka vendosur për të ardhmen e tij, pasi i skadoi kontrata me Palermon.
Siç kishte njoftuar vetë kapiteni i Kosovës ditë më parë për Telegrafin, se është në bisedime me Latinën, si duket palët kanë avancuar në bisedime dhe janë afër marrëveshjes.
E përditshmja italiane ‘La Gazzetta dello Sport’, shkruan se Ujkani brenda kësaj jave mund t’i bashkohet skuadrës nga Serie B, italiane.
Për portierin e Përfaqësueses së Kosovës, interesim kishin shprehur edhe skuadra si Sampdoria, Sassuolo dhe Cesena por në fund dështuan bisedimet. /Telegrafi/
