Federata Evropiane e Futbollit tregon klubet që kanë ritme të frikshme ekonomike. UEFA ka përpiluar një listë me 9 klube të cilat i cilëson si “Clubs Super” dhe që konsiderohet si të paarritshme ekonomikisht për të gjitha skuadrat e tjera të planetit.

Barcelona, Real Madrid, Manchester United, Manchester City, Chelsea, Arsenal, Liverpool, Bayern Munich dhe Paris Saint Germain janë në këtë listë.

Qeveria evropiane e futbollit vëren një rrezik për shkak të diferencave të mëdha që ka me skuadrat e tjera, transmeton Telegrafi.

Të ardhurat e këtyre klubeve janë rritur me ritme të frikshme, 115 milionë euro në vit, në gjashtë vitet e fundit, duke marrë parasysh vetëm sponsorët dhe reklamimet në fanella.

Premier Legue nuk ka konkurrent, teksa mbetet shumë para La Ligas, Bundesligës, Seria A dhe Ligue 1. 20 klubet e Premier League kanë më shumë të ardhura, çdo vit, se mbi 597 klube në 48 ligat më të vogla në Europë të marra së bashku.