Carlo Ancelotti është njëri ndër trajnerët më të suksesshëm në historinë e futbollit dhe tani në krye të Real Madridit, por UEFA i ka kërkuar atij të futet në testin e trajnerit para se të ulet në stol përsëri.
Sipas mediave italiane, Ancelottit i skadoi licenca e trajnerit më 31 dhjetor 2021, raporton Gazeta Express.
Si pasojë, UEFA ia dërgoi 62-vjeçarin një letër paralajmëruese se i duhet ta japë testin e trajnerit përsëri nëse dëshiron ta vazhdojë punën e trajnerit.
Gjatë karrierës si trajner i Milanit, Chelseat, PSG-s, Real Madridit dhe Bayern Munich, Ancelotti i fitoi hiç më pak se 21 trofe në nivel klubi.
Përfshirë tre trofe të garës më të madhe evropiane për klube, Ligën e Kampionëve, tituj kampioni në Itali, Francë dhe Angli.
Federata e Futbollit e Spanjës e ka kontaktuar shtëpinë e futbollit evropian për t’i thënë se futja e Ancelottit në test pas 1.200 ndeshjeve si trajner do t’i bëjë të duken budallenj të gjithë njerëzit e përfshirë në këtë proces. /Gazeta Express/
Il patentino da allenatore di #Ancelotti è scaduto il 31 dicembre. Per poter continuare ad allenare, da regolamento Uefa, deve sostenere dei corsi obbligatori. 😂🙈🤣🤭🤐 pic.twitter.com/6spl7QDZpC
— Alessandro Alciato (@AAlciato) January 30, 2022
