Me qëllim të përmirësimit të kushteve për mësim , Komuna e Lipjanit, edhe këtë vit ka prioritet rregullimin e infrastrukturës në shkolla.

Investimet kanë filluar pothuajse në gjitha shkollat e komunës së Lipjanit, dhe ato sipas kryetarit Imri Ahmeti, do të vazhdojnë derisa t’ju krijohen gjitha shkollave në Komunën e Lipjanit, kushte sa më të favorshme për mësim.

Në kuadër të këtyre prioriteteve në shkollën fillore “ Rexhep Akllapi” në Akllap, po bëhet renovimi i shkollës.

Në këtë rast, kryetari i komunës, Imri Ahmeti, në mbledhjen e rregullt të KD, tha se, këto investime do të ndikojnë pozitivisht që procesi mësimor të jetë në nivelin e duhur.

Po ashtu, kryetari Ahmeti, ka theksuar se në fshatin Akllap do të bëhet, ndërtimi i rrjetit të kanalizimit, si dhe asfaltimi i rrugëve dhe rrugicave.