Përgjatë 24 orëve të fundit, tri gra janë shoqëruar në stacione policore, pasi janë kapur duke kërkuar lëmoshë, bashkë me fëmijët e tyre, raporton Express

Policia e Kosovës në raportin 24 orësh ka ëbrë të ditur se një rast ka ndodhur në Prishtinë, një në Prizren dhe një në Pejë.

Në Prishtinë, e dyshuara është liruar në procedurë të rregullt, pas intervistimit.

“Prishtinë (NN) 28.10.2021 – 13:00. Është ndaluar e dyshuara femër kosovare bashkë me fëmijën e saj të mitur, duke kërkuar lëmoshë.  E njëjta është intervistuar dhe me vendim të prokurorit është liruar në procedurë të rregullt”, ka bërë të ditur policia.

Rasti i dytë ka ndodhur në rrugën “Ekrem Rexha” në Prizren. Me vendim të prokurorit, rasti vazhdon në procedurë të rregullt.

“Rr. Ekrem Rexha, Prizren, 28.10.2021 – 18:40. Është shoqëruar në stacioni policor e dyshuar femër kosovare  së bashku me fëmiun e saj, pasi që ishin hasur duke kërkuar lëmosh. Me vendim të prokurori, rasti shkon në procedurë të rregullt”, ka njoftuar policia.

Rasti tjetër ka ndodhur në Pejë, ku e dyshuara bashkë me fëmijën janë shoqëruar në stacion policor.

Me vendim të prokurorit, rasti ka vazhduar në procedurë të rregullt.

“Qarshi-Xhamia , Pejë , 28.10.2021 – 14:30. Është takuar viktima mashkull kosovar (fëmijë) duke kërkuar lëmoshë. E dyshuara femër kosovare së bashku me fëmijën janë shoqëruar në polici dhe në konsultim me prokurorin, rasti vazhdon në procedurë të rregullt”, ka bërë të ditur policia.

Ndërkaq të tri rastet janë iniciuar si “Keqtrajtim apo braktisje e fëmijës”./