Sot rreth orës 19:00, ka ndodhur një aksident trafiku mes tre veturave në Autostradën Prishtinë – Shkup, në afërsi të Babushit, me ç’rast humbën jetën tre persona.
Lajmin për Indeksonline e ka konfirmuar zëdhënësja për informim e Policisë së Kosovës, Luljeta Mehmeti dhe Baki Kelani.
“Ekipet Mjekësore si dhe Kompanitë për Menaxhimin dhe Mirëmbajtjen e Autostradës. Si pasoj e aksidentit ekipet mjekësore kanë konstatuar vdekjen e tre (3) personave”, tha ajo.
Njoftimi i plotë:
Mund të konfirmojmë se sot rreth orës 19.00 ka ndodhur një aksident trafiku në mes të 3 veturave në Autostradën Prishtinë – Shkup, në afërsi të Babushit. Policia e Kosovës i është përgjigjur rastit menjëherë në koordinim me Prokurorin e Shtetit, Ekipet Mjekësore si dhe Kompanitë për Menaxhimin dhe Mirëmbajtjen e Autostradës. Si pasoj e aksidentit ekipet mjekësore kanë konstatuar vdekjen e tre (3) personave. Njësitë Policore dhe institucionet tjera janë ende në vendngjarje duke u marrë me rastin./Indeksonline/
