Elbasan Rashani ka arritur ta shënoi het-trik në ndeshjen e tij debutuese me skuadrën e tij të re Rosenborg.

Rashani e ka nisur nga minuta e parë sfidën miqësore mes Rossenborg dhe skuadrës tjetër norvegjeze Kristiansund, që ka përfunduar 7:3 në të mirë të vendasve.

Dhe padyshim ylli i kësaj sfide ka qenë sulmuesi vushtrrias që ka shënuar tre gola në debutimin e tij.

Tre golat e Rashanit kanë qenë spektakolar, secili më i bukur se tjetri, ndërsa ai para se të shënoi ka goditur edhe një transversale duke ngritur në këmbë publikun.

Përveç tre golave të shënuar, Rashani në këtë ndeshje ka dhënë edhe një asistim në golin e katërt të skuadrës së tij.

Golat e tij janë komentuar shumë në Norvegji si spektakolar, ndërsa kujtojmë që pikërisht për Kosovën djaloshi nga Vushtrria e la Përfaqësuesen e Norvegjisë. /Telegrafi/